1. 將糯米粉, 砂糖, 椰漿, 水, 淡奶逐一放入器皿內攪至沒有粉粒為止。

2. 將(1)蒸35分鐘或至粉漿變粉團。 (可用筷子測試, 冇黏住表示己經熟透)。

3. 待粉團放涼後, 取出適量的粉團包入芒果或其他餡, 沾上椰絲即成。

小小心得：

1. 材料要逐一混合, 以免起粒。

2. 用匙"不"麵團時用凍水濕一濕會冇咁黏。

3. 可將麵團放上保鮮紙上碌平, 之後放入餡料, 會較容易同碌得較平均。

4. 如果想整得大小平均點, 粉團可先磅一磅, 如果依我的大小約31-33克。

5. 清洗方面, 麵團會黏實器皿, 可先用水浸一會, 會較易清洗。

***此食譜由論壇版主Emily提供，特此鳴謝***